Ўзбекистонда тўлиқ инглиз тилида эфирга узатиладиган телеканал очилиши мумкин

Ўзбекистонда тўлиқ инглиз тилида эфирга узатиладиган телеканал очилиши мумкин

“Менинг фикрим” жамоавий мурожаатлар порталига “Инглиз тилида эфирга узатиладиган янги телеканални ташкил этиш ҳақида”ги петиция жойлаштирилди.

“Нафақат ёш келажак авлодни, шунингдек бутун халқимизни инглиз тилини билиш даражасини яна-да ошириш мақсадида давлат томонидан ёки давлат шерикчилиги асосида барча дастур ва лойиҳалари фақатгина инглиз тилида эфирга узатиладиган янги телеканал очишни таклиф қиламан”, дейилади мурожаатда.

Таъкидланишича, бугунги рақамли иқтисодиёт ва глобаллашув жараёни – ҳар қандай касб эгасидан соҳани ривожлантиришда чет эл тажрибасидан фойдаланиш учун инглиз тилини билишни талаб қилмоқда.