«Қизил» ва «сариқ» ҳудудларда шанба ва якшанба кунлари буюм бозорлари ёпилади ва жамоат транспорти камайтирилади

«Қизил» ва «сариқ» ҳудудларда шанба ва якшанба кунлари буюм бозорлари ёпилади ва жамоат транспорти камайтирилади

Ўзбекистонда Республика махсус комиссиясининг қарорига мувофиқ бир қатор чора-тадбирлар белгиланди. Жорий йил 1 июль санасидан бошлаб:

- республиканинг барча ҳудудларида йирик буюм бозорлари ҳамда буюм савдоси билан шуғулланадиган йирик савдо мажмуалари ҳафтанинг шанба ва якшанба кунлари санитария-дезинфекция ишларини амалга ошириш учун ёпилади;

- «қизил» ва «сариқ» ҳудудларда соат 07:00 дан 23:00 га қадар жамоат жойларида уч кишидан ортиқ тўпланиш ҳамда 23:00 дан 07:00 га қадар кўчаларда, кўп қаватли уйлар ва ҳовлилар олдида бўлиш тақиқланади.

Бунда:

фақатгина фуқароларнинг саломатлиги ёмонлашганлиги, ҳомиладорлиги муносабати билан шифокор кўригидан ўтиш учун даволаш муассасасига ёхуд зарур дори-дармон харид қилиш мақсадида дорихонага бориб-келишига рухсат берилади;

мазкур талабларни бузган шахсларга нисбатан белгиланган тартибда маъмурий жавобгарлик чоралари қўлланилади.

Шунингдек, «қизил» ва «сариқ» ҳудудларда ҳафтанинг шанба ва якшанба кунларида жамоат транспорти ҳаракати камайтирилади.