Тинч океани тубларида шу пайтга қадар фанга номаълум бўлган, ҳажман кичкина, йирик кўзли, пуштиранг жониворлар борлиги аниқланди. Бу ҳақида BBC телеканали хабар бемоқда.
Янги топилган жониворнинг ташқи кўриниши кўпроқ саккизоёқ ҳамда кальмарни эслатади. Бундан ташқари,олимлар шу йил уюштирилган экпедициялар давомида океан тубида пушти гардишлар, «лой махлуқлари» ҳамда сузиши учаётган Мери Поппинсни эслатадиган бодрингсифат ғалати денгиз жониворларига дуч келишган.
Шунингдек, АҚШнинг ғарбий қирғоқларида яна 500 та метан туйнуклари топилган. Газ туйнуклари Титаникнинг чўккан жойини биринчи бўлиб аниқлаган доктор Роберт Баллард томонидан топилган.
Йилнинг муҳим экспедицияларидан яна бири Америка Миллий Океаншунослик ва Атмосфера Бошқармаси (NOAA) томонидан уюштирилган бўлиб, олимлар дунёнинг энг чуқур нуқтаси бўлган Мариана ботиғини тадқиқ қилганлар.
«Биз Ўртаер денгизи, Мексика қўлтиғи, Кариб денгизи ҳамда Тинч океанининг шарқий қисмини кўздан кечириб, ушбу бошқариладиган қурилмалар ёрдамида денгиз остини суратга олдик. Сувости дунёси хилма-хиллиги бизни ҳайратга солишда давом этмоқда. Бу эса биз океан ҳақида қанчалик кам нарса билишимиз ва ўрганадиган нарсалар ҳали кўплигини англатади», – деб айтган илмий тадқиқот экпедициялари раҳбари доктор Никол Ренолт.