Ижтимоий тармоқларда Амир Темур хиёбонидаги айланма йўлда кимлиги аниқ айтилмаган шахсларнинг катта тезликда автомобиль ҳайдаб, турли манёрларни бажаргани видеоси тарқалган эди.
Тошкент шаҳар ИИББ бу ҳодиса юзасидан изоҳ берди. Унда айтилишича, 13 ва 14-сентябрь кунлари тахминан соат 02.00-02.30 да Амир Темур хиёбони атрофидаги айлана йўлда, хусусий ижодий студия томонидан экшн-лавҳа суратга олиш ишлари олиб борилган.
Йўл ҳаракати иштирокчиларининг хавфсизлигини таъминлаш мақсадида, атрофдаги йўллар ва пиёдалар йўлакчалари пойтахт ИИББ ЙҲХБ ЙПХ ва ППХ ходимлари ва экипажлари томонидан 10-15 дақиқага беркитилган.