UFC’нинг доимий президенти Дана Уайт доғистонлик спортчи Ҳабиб Нурмагомедовни барча даврларнинг энг буюк спортчиси деб атади.
Шанба куни Нурмагомедов америкалик Жастин Гэтжини бўғиб ушлаб туриш усулида мағлуб этди ва енгил вазнда UFC чемпионлигини ҳимоя қилди. Жангдан сўнг дарҳол 32 ёшли жангчи бу унинг UFC’даги сўнгги жанги эканлигини айтди.
"Ҳабиб Нурмагомедовни табриклайман, сен хоҳлаган нарсангга эришдинг. Сен вазн тоифаларидан қатъи назар дунёдаги энг яхши жангчисан ва ҳақиқатан ҳам спортдаги энг буюк одамсан", - деб ёзди Уайт ўзининг Твиттер микроблогида.
Жангдан сўнг Нурмагомедов UFC’дан вазн тоифаларидан қатъи назар уни рейтингда биринчи ўринга қўйишни илтимос қилди. Айни пайтда у америкалик Жон Жонсдан кейин иккинчи ўринда турибди.