Хитойда коронавируснинг энг йирик ўчоғи бўлган Ухан шаҳри ёппасига нуклеин кислоталар билан қайтадан тест топшириши режалаштирмоқда. Бу ҳақда Reuters агентлиги хабар беради.

Тестлар шаҳарда COVID-19 эпидемияси қайталана бошлагани туфайли 10 кун ичида ўтказилиши режалаштирилган.

Ички ҳужжат ва вазият билан таниш бўлган икки манбага кўра, шаҳарнинг ҳар бир туманида сешанба куни батафсил синов режаси топширилиши керак.

Ухан соғлиқни сақлаш идоралари бу маълумотга ҳозирча изоҳ беришмаган.

11 миллион аҳолига эга шаҳар бир неча ойлик қаттиқ карантин назоратидан 8 апрел куни чиққан эди. Дам олиш кунлари шаҳарда яна коронавирус аниқланиш ҳолати кўпая бошлаган эди.