Аввалроқ, Хитойнинг Ухань шаҳрида янги турдаги коронавирус билан зарарланган беморлар учун вақтинчалик шифохона қурилиши бошлангани ҳақида хабар берган эдик.
APNews нашрининг хабар беришича, минг ўринга мўлжалланган шифохона қурилиши ўн кун ичида якунланган ва фойдаланишга топширилган. Айни вақтда Хитой ҳукумати касалхонага шифокорлар ва тиббиёт буюмларини юбормоқда.
Шунингдек, 1500 кишига мўлжалланган яна бир касалхона тез кунларда очилиши мўлжалланмоқда. Барча тиббий жиҳозлар ва керакли дори воситалари Хитой армияси томонидан ташиб келтирилмоқда.
Энг сўнгги хабарларга кўра коронавирус туфайли 361 киши вафот этган. Касалхона қурилишни бошлаган вақтда вафот этганлар сони 29 киши эди. Бутун дунё бўйича вирусни юқтириб олганлар сони эса 17 200 кишидан ошиб кетди.