Вьетнамнинг Дананг шаҳридаги меҳмонхоналардан бирида кутилмаган воқеа юз берди.
Меҳмонхона маъмурияти томонидан коронавируснинг тарқалиши туфайли Хитойдан келган меҳмонларга хизмат кўрсатиш рад этилди. Бу ҳақда travelbelka.ru онлайн саёҳат хизмати ёзмоқда.
Меҳмонхона хитойлик сайёҳларни қабул қилмади, аввалдан банд қилиш бекор қилинди ва меҳмонлар ташриф буюриб, рўйхатдан ўтишга уринишаётган пайтда шу нарса маълум бўлди.
Таъкидланишича, саёҳатчилар саёҳатдан икки ой олдин меҳмонхонани банд қилишган. Меҳмонхона эгаси бошқа меҳмонлар ва ходимлар учун хавф туғдирмаслик сабабини илгари суриб тушунтирди.