Аввалроқ, бугундан Тошкент метрополитенининг Юнусобод линиясидаги янги станцияларни ишга туширишга тайёргарлик кўриш мақсадида ва техник ишлар олиб борилиши муносабати билан мазкур йўналиш вақтинча ёпилишини маълум қилган эдик.
«Тошкент метрополитени» УК Юнусобод линияси яқин орада очилишини айтган эди, лекин аниқ санаси маълум қилмаган.
Бир қанча вақт аввал, «Ўзбекистон темир йўллари» Юнусобод метро линиясида ҳаракат тикланганлигини маълум қилди ҳамда йўловчилардан ноқулайлик учун узр сўради.
Шунингдек, компания блогер ва журналистлардан метро қурилиш ишларининг техник масалаларига боғлиқ ушбу режалаштирилмаган тадбирларни тушунишларини ва аҳоли орасида ваҳима туғдирмасликни сўради.