AQSh federal idoralari, deyarli 20 yillik tanaffusdan so‘ng, iyul oyi o‘rtalarida o‘lim jazosini qayta tiklashni rejalashtirmoqda. Bu haqda AQSh Adliya vazirligi veb-sahifasida xabar berildi.
O‘tgan yilning iyul oyida AQSh federal hukumati qariyb 20 yillik tanaffusdan so‘ng o‘lim jazosini favqulodda jazo sifatida qayta boshlaganligi haqida xabar berilgan edi.
AQSh bosh prokurori Uilyam Barr Federal qamoq byurosiga qotillikda hamda ikki nafari bolalarni zo‘rlashda ayblangan to‘rtta federal mahbus uchun o‘lim jazosi sanasini tanlashni buyurdi.
"Bugun o‘lim jazosi tayinlangan to‘rt qotil Konstitutsiya va qonunlarga muvofiq to‘liq va adolatli sud jarayonidan o‘tdi", - deya Bosh prokurorning so‘zlaridan iqtibos keltiriladi Adliya vazirligi xabarida.
O‘lim jazosi 13, 15 va 17 iyul, shuningdek 28 avgustga belgilangan.
Ilgari qatl uchta shtatda (Jorjiya, Missuri va Texas) ishlatiladigan giyohvand moddalar yordamida amalga oshiriladi, deb xabar berilgandi. Ushbu preparatni katta dozalarda qabul qilganda, nafas olishni to‘xtatish natijasida o‘lim kuzatiladi. Ulardan foydalanish, xususan, AQSh Oliy sudi tomonidan mamlakat Konstitutsiyasining sakkizinchi tuzatish talablariga muvofiq tasdiqlangan, unda haddan tashqari jazolar, jumladan o‘lim jazosi qo‘llanilishi taqiqlangan edi.