AQSh Vakillar palatasi politsiyani isloh qilish to‘g‘risidagi qonun loyihasini ma’qulladi. 236 qonun chiqaruvchi (shu jumladan uchta respublikachilar) ushbu qonunni qo‘llab-quvvatladi, 181 kongressmen esa qarshi ovoz berdi. Endilikda demokratlar tomonidan ishlab chiqilgan qonun loyihasi ko‘pchiligi Respublikachilar bo‘lgan Senatda ko‘rib chiqiladi. 

Yangi hujjat politsiyachilarga gumonlanuvchini bo‘g‘ishni, tintuv uchun sanksiya berilmasdan turib tintuv o‘tkazishni taqiqlaydi, politsiya qoidabuzarliklarini kuzatishda milliy reyestrni tuziladi va xodimlarni gumon qilinuvchilarga nisbatan zo‘ravonlik harakatlari uchun javobgarlikka tortadi. Qonun loyihasi afro-amerikalik Jorj Floydning o‘limidan keyin huquq-tartibot idoralari tomonidan ortiqcha kuch ishlatilishiga qarshi noroziliklar fonida ishlab chiqildi.

AQSh prezidenti Donald Tramp qonun loyihasi politsiyani yo‘q qiladi, deb hisoblaydi. O‘tgan hafta u bir tomondan politsiyani isloh qilish, shu bilan namoyishchilarning talablarini qondirish, boshqa tomondan esa huquq-tartibot idoralari xodimlarini g‘azablantirmaslik to‘g‘risida qaror chiqardi. Qaror nizolarni tinch yo‘l bilan hal qilish amaliyotidan soqchilar tomonidan foydalanilishini rag‘batlantirish uchun huquqni muhofaza qilish organlari xodimlarini o‘qitish uchun federal grantlarni taqdim etishga ustuvor ahamiyat beradi. Prezident islohotida shuningdek, huquq-tartibot idoralariga qarshi shikoyatlar ma’lumotlar bazasini va noaniq politsiya xodimlarining ro‘yxatini tuzishni taklif qilinadi. Bundan tashqari, politsiya xodimlariga giyohvand moddalarni iste’mol qiluvchilar, uysizlar yoki ruhiy kasallar bilan bog‘liq muammolarga ijtimoiy xodimlarni jalb qilish tavsiya etildi.