AQShda sutkalik koronavirus aniqlanish holati qariyb 24,7 mingga yetdi. Qayd etilishicha, bugungi ko‘rsatkich oxirgi ikki hafta ichida eng yuqori hisoblanadi.
O‘tgan 24 soat ichida 921 nafar amerikalik koronavirusdan vafot etdi.
Avvalroq AQSh prezidenti Donald Tramp mamlakatda koronavirus epidemiyasi qariyb tugagani haqida bayonot bergan edi.
Jon Xopkins universiteti ma’lumotlariga ko‘ra, AQShda 1,8 milliondan ortiq koronavirus holati qayd etilgan. 109 mingdan ortiq bemor vafot etgan. 491 mingdan ortiq kasallar sog‘ayib ketgan.