AQSh poytaxti Vashington shahrida faoliyat yuritadigan vatandoshimiz, O‘zbekistondagi «Buyuk kelajak» ekspertlar kengashi eksperti Behzod Mamadiyev daraxt kesish muammosiga e’tibor qaratdi.

Behzod Mamadiyev qo‘ygan surat

«Tepadagi rasm O‘zbekistondagi mening tumanimda olingan. Pastdagi ikkita rasm AQShdagi mening mahallamda olingan.

Tepadagi rasmda Rishton tumanida davom etayotgan obodonchilik va qayta qurish ishlari doirasida yo‘l bo‘yidagi qator daraxtlar yoppasiga kesib tashlangani aks etgan.

AQShdagi mahallamda esa daraxtlar semirib, xamirdek ko‘pib, trotuardan toshaman deyapti, lekin hech kim ularni kesish haqida o‘ylamaydi.

Rishtonlik mahalliy faolning aytishicha, daraxtlarni kesishdan maqsad yo‘lni kengaytirish bo‘lgan. Lekin va’da qilingan yo‘l kengaymagan, ariqqa lotok yotqizishgan xolos. Daraxtlarni kesmasdan bu lotokni yotqizib bo‘lmaydimi?»