Fransiya janubidagi Aveyron departamentida sayyohlik samolyoti halokatga uchrab, to‘rt kishi halok bo‘ldi. Bu haqda France info xabar bermoqda.
Ma’lum bo‘lishicha, samolyot Larzak aerodromidagi uchish-qo‘nish yo‘lagidan bir necha kilometr uzoqlikda qulab tushgan.
Ma’lumotlarga ko‘ra, uchuvchi samolyot boshqaruvini yo‘qotganidan so‘ng, samolyot pasayishni boshlagan va yerga tegib yong‘in chiqqan.
Aniqlanishicha, uchuvchi va uch yo‘lovchi halokat qurboni bo‘lgan.