Fransiyaning Dijon shahrida Chechenistondan kelgan ikki muhojir hibsga olingan. Ular fitna uyushtirishda va og‘irlashtirilgan zo‘ravonlikda ayblanmoqda, deb xabar beradi shahar prokurori Erik Mate France Info nashriga. Hibsga olinganlar 10 yilgacha ozodlikdan mahrum qilinishi mumkin.
30 yoshli sudlanuvchilardan biri Nitssada, ikkinchisi Dol kommunasida istiqomat qiladi. Ular sudgacha qamoqda saqlanmoqda.
Fransiyada chechenlar ishtirokida ommaviy janjal bo‘ldi (video)
"Chechenlar to‘g‘ri qilgan" — Qodirov Fransiyadagi vaziyatga to‘xtaldi
Iyun oyida Dijon shahrida chechenlar va mag‘riblik arablar o‘rtasida to‘qnashuvlar bo‘ldi. "Qora marvarid" chilimxonasida Mag‘rib arablari chechen yoshlarini kaltakladilar. Keyin shahardagi chechen diasporasi ularga qarshi turishdi. To‘qnashuvlar paytida bir necha kishi yaralangan, bir nechtasi hibsga olingan. Checheniston rahbari Ramzan Qodirov Fransiyadagi chechen diasporasini qo‘llab-quvvatlashini aytdi.