Jahon bozorida oltinning narxi o‘sishda davom etmoqda. Bu haqda Reuters agentligi xabar beradi.
Savdo ma’lumotlariga ko‘ra, oltin narxi bir unsiya uchun 1975 dollargacha ko‘tarildi. Hozirda uning narxi $1 941,3 atrofida o‘rnatildi.
RBK nashri xabariga ko‘ra, AQShga va Xitoyga bo‘lgan munosabatlarning yomonlashishi va koronavirus pandemiyasi tufayli global iqtisodiy o‘sishning pasayishi xavfi tufayli oltiga bo‘lgan talab o‘smoqda. Sarmoyadorlar siyosiy yoki iqtisodiy beqarorlik davrida oltinni himoya vositasi sifatida ishlatadilar.
Ayrim tahlilchilar fikriga ko‘ra, yaqin kelajakda oltin kotirovkalari 2000 dollargacha ko‘tarilishi mumkin.
Oltin narxi troya unsiyasi uchun $1935 gacha ko‘tarildihttps://t.co/NlG4YfuwdD pic.twitter.com/ZoJIxP2MF5
— Sof.uz (@Sofuzb) July 27, 2020
Eslatib o‘tamiz, avvalroq oltin narxi 2011 yil sentyabr oyida belgilangan bir unsiya uchun 1911,6 dollarga teng bo‘lgan eng yuqori darajaga ko‘tarilgani haqida xabar bergan edik.