Dunyo bo‘ylab koronavirus bilan kasallanganlar soni so‘nggi bir hafta ichida 2,4 millionga oshdi, bu pandemiya boshlanganidan beri eng yuqori ko‘rsatkich. Jahon sog‘liqni saqlash tashkiloti (JSST) ma’lumotlari shundan dalolat beradi.

JSSTning ta’kidlashicha, COVID-19 bilan kasallanganlarning soni tez sur’atlarda o‘sishda davom etmoqda, shu bilan birga yangi o‘limlar soni nisbatan barqaror bo‘lib qolmoqda. So‘nggi yetti kun ichida 36 mingdan ortiq odam yuqumli kasallikdan vafot etdi, bu taxminan oldingi hafta bilan bir xil.

"18 oktyabr holatiga ko‘ra 40 milliondan ortiq holatlar va 1,1 million o‘lim haqida xabarlar bor", deyiladi JSST ma’lumotnomasida.

Eng yomon epidemik vaziyat Amerika qit’asida kuzatilmoqda. Umuman olganda, ushbu mintaqada 12-18 oktyabr kunlari 798 mingdan ortiq odam yuqtirildi va yuqtirganlarning umumiy soni 18,8 million bemordan oshdi. Yetti kun davomida 16 mingdan ortiq o‘lim ro‘yxatga olingan va 18 oktyabr holatiga ko‘ra o‘lganlarning umumiy soni 608 mingdan oshgan.

Yevropada hafta davomida kasallikning 25 foizga o‘sishi o‘tgan qayd etilgan. Infektsiyani yuqtirganlar soni 927 mingga ko‘payib, 8 milliondan oshdi. Bir hafta ichida 8 mingdan ortiq kishi vafot etdi va o‘limlarning umumiy soni 256 ming kishidan oshdi.