Dunyo aholisining taxminan 10% (760 milliondan ortiq kishi) koronavirus bilan kasallangan bo‘lishi mumkin. Ushbu hisob-kitob JSST sog‘liqni saqlash bo‘yicha favqulodda vaziyatlar dasturi ijrochi direktori Maykl Rayan tomonidan ma’lum qilindi.

Jenevadagi maxsus sessiyada u infeksiya darajasi shahar va qishloq joylarida, shuningdek aholining turli guruhlari o‘rtasida farq qilishi mumkinligini tushuntirdi. Bu shuni anglatadiki, dunyo aholisining aksariyat qismi COVID-19 bilan kasallanish xavfi ostida qolmoqda.

Rayanning ko‘rsatkichi dunyoda tasdiqlangan yuqtirish holatlari sonidan taxminan 20 baravar ko‘pdir - shunga ko‘ra, taxmin qilinishicha, yuqtirgan har yigirma odamdan bittaginasiga tashxis qo‘yilgan. Jons Xopkins universiteti ma’lumotlariga ko‘ra, 5 oktabr holatiga ko‘ra, pandemiya boshlanganidan beri koronavirus bilan kasallanganlarning umumiy soni 35,2 milliondan oshdi, ulardan deyarli uchdan bir qismi faol bo‘lib qolmoqda (10,5 millionga yaqin).