AOKA huzuridagi shtabda Oliy va o‘rta maxsus ta’lim vazirligi axborot xizmati rahbari Farhod Babashev ishtirokida brifingda aholidan tushgan savollarga javob qaytarildi:

Savol: Magistraturaga hujjat topshirdim. Kirish imtihoni to‘g‘risida batafsilroq axborot bersangiz.

Javob: Kirish imtihonlari mutaxassislik fani va xorijiy tildan — test ko‘rinishida bo‘ladi.

Mutaxassislik fani imtihonida bakalavriatda o‘rganilgan mutaxassislik fanidan tashqari ilmiy-pedagogik layoqatni va IQ darajasini aniqlashga qaratilgan testlar ham kiritiladi.

Kirishi imtihonlarini 3 avgustdan boshlash rejalashtirilgan edi. Barchangizga ma’lum, pandemiya rejalarimizga o‘zgartirishlar kiritmoqda. Shu boisdan magistraturaga qabul imtihonlari vaqti ham Davlat komissiyasi tomonidan belgilanadi.