Sovet Ittifoqining Sovuq urush davridagi rahbari Nikita Xrushchevning o‘g‘li Sergey Xrushchev o‘z uyida boshidan otilgan holda topildi.
U o‘tgan hafta 18 iyun kuni vafot etgan bo‘lsada, qanday vafot etganligi endi oshkor etildi. Lekin, politsiyaning dastlabki xulosalariga ko‘ra, jinoiy suiqasd alomatlari yo‘q. Politsiyaga o‘limi haqida rafiqasi xabar bergan.
Texnika fanlari doktori, professor Sergey Xrushchev 1935 yilda tug‘ilgan. Ballistik raketalar bo‘yicha mutaxassis bo‘lgan. 1991 yilda Braun Universitetida dars berish uchun AQShga ko‘chib o‘tadi va bir umrga shu yerda qoladi.
Olim 1999 yildan ikki davlat fuqarosi (AQSh va Rossiya) hisoblanadi.