O‘zbekiston Rossiyadan harbiy samolyot sotib olishi mumkin
31.01.2019 20:00,
21
O‘zbekiston Rossiya bilan Yak-130 harbiy samolyotlarini sotib olish masalasida muzokaralar o‘tkazmoqda. Bu haqda «Kommersant» gazetasi xabar berdi.
Qayd etilishicha, O‘zbekiston Irkutsk aviatsiya zavodida ishlab chiqarilayotgan Yak-130 ni sotib olishga qiziqish bildirgan. Lekin bu boradagi muzokaralar boshlang‘ich bosqichda.
Gazeta ma’lumotlariga ko‘ra, so‘nggi yillarda Yak-130 samolyotlarini Bangladesh, Myanma, Belarus va Laos ham sotib olgan.
Yak-130 samolyotlari harbiy uchuvchilarni jangovar tayyorgarligini mashq qildirish, havodagi va yerdagi nuqtalarga zarba berish maqsadida qo‘llaniladi.