O‘zbekistonlik bokschi Hasanboy Do‘stmatovning prof ringdagi ilk jangi sanasi ma’lum bo‘ldi
16.11.2019 11:50,
331
O‘zbekistonlik bokschi, Rio-2016 olimpiadasi g‘olibi Hasanboy Do‘stmatov ertaga, 17 noyabr kuni professional boksdagi ilk jangini o‘tkazadi. Bu haqda sportchining o‘zi Instagramdagi sahifasida ma’lum qilgan.
“Yurdoshlar, kattakon rahmat qo‘llab-quvvatlab turganingiz uchun! Xudo xohlasa g‘alaba bizniki bo‘ladi”, - deya izoh qoldirgan sportchi.
Yana bir bokschimiz Fazliddin G‘oipnazarov, sport sharhlovchisi Davron Fayziyev va yana ko‘plab boks ixlosmandalari sportchiga omad tilagan.
Hasayboy professional boksning birinchi o‘ta yengil vazn toifasi (-48,99 kg.)da Meksikada ringga ko‘tariladi.