O‘zbekiston Respublikasi elchisi Sardor Rustamboyev 20 iyul kuni Lissabonda Portugaliya Respublikasi prezidenti Marselo Rebelo de Souzaga ishonch yorlig‘ini topshirdi. Bu haqda «Dunyo» AA xabar bermoqda.
Portugaliya rahbari hamkorlik kun tartibidagi masalalar, mintaqaviy va xalqaro tuzilmalar doirasidagi munosabatlarning keng qamrovli jihatlari yuzasidan fikr almashar ekan, o‘zaro manfaatli sheriklik aloqalarini yanada mustahkamlash tarafdori ekanini bildirdi.
Eslatib o‘tamiz, Sardor Rustamboyev O‘zbekistonning Fransiyadagi favqulodda va muxtor elchisi hisoblanadi. 2018 yil sentyabr oyida Fransiya prezidenti Emanuel Makronga ishonch yorlig‘i topshirilgan edi.
Rustamboyev bir vaqtning o‘zida O‘zbekistonning Portugaliyadagi elchisi vazifalarini ham bajaradi.