Hozirgina OChL guruh bosqichi 1-turidan o‘rin olgan “Paxtakor” hamda BAAning “Shabab Al Ahli” jamoalari o‘rtasidagi o‘yin o‘z nihoyasiga yetdi.

Toshkentda kechgan uchrashuvda mezbonlar 2:1 hisobda g‘alaba qozondi.

18-daqiqada Jaloliddin Masharipov “parashyut” uslubida raqib darvozasiga to‘pni joylab qo‘ydi. Shundan so‘ng uchrashuv tempi juda tushib ketdi.

Ikkinchi bo‘limda, aniqrog‘i 67 daqiqada Pedro Konde muvozanatni tiklashga erishdi. Ammo oradan 3 daqiqa o‘tar-o‘tmas Dragan Cheran yana “sherlar”ni hisobda oldinga olib chiqdi.

Shu tariqa, Shota Arveladze shogirdlari 3 ochko bilan “V” guruhida 1-o‘ringa ko‘tarilib olishdi. Guruhdagi ikkinchi bellashuv esa Toshkent vaqti bilan soat 19:40 da boshlanadi. Unda musobaqaning amaldagi g‘olibi, Saudiya Arabistonining “Al Hilol” jamoasi Eronning “Padideh” klubini qabul qiladi.