Qanday hollarda nafas gimnastikasi tavsiya etilmaydi? Bemorning nafasi qissa, boshi aylansa yoki qon bosimi ko‘tarilsa, nima qilishi kerak?
Koronavirusga qarshi kurash shtabi a’zosi Barno Abdusamatova bu savollarga javob berdi:
Nafas mashqlari qon bosimi yuqori bo‘lganda, yurak tez urganda va isitma 38 darajadan yuqori bo‘lib lixoradka kasalligida bajarilmaydi.
Bu belgilar paydo bo‘lganda mashqlar to‘xtatiladi. Shu zahoti o‘tirish yoki yotish kerak.
Hushdan ketganda oyoqlar ostiga dumaloq buyum qo‘yiladi. Oyoqlar boshdan balandroqqa ko‘tarilishi kerak.
Qaynoq ichimlik, qonda qand miqdori me’yorda bo‘lsa shirin choy ichish tavsiya etiladi.
O‘zingizni to‘liq yaxshi his qilganda, nafas olish chastotasi me’yorlashib, yurak urishi va qon bosimi mo‘’tadillashganda mashqlarni davom ettirish mumkin.
Keyingi mashqlarni sekin va kam takrorlashlar bilan bajarish lozim. Albatta xonani shamollatish, yengil kiyinish kerak.