Checheniston Prezidenti Ramzan Qodirov Instagram ijtimoiy tarmog‘idagi sahifasida Shavkat Mirziyoyevning kuyovi Oybek Tursunov haqida maqtov yozdi.

"Men ajoyib do‘st va uka Oybek Tursunovni topganimdan mamnunman. U yaxshi t’lim olgan, muloyim va kamtar inson. Menga uning davlat miqyosida fikrlashi, O‘zbekiston kelajagiga qat’iy ishonchi yoqdi", - deya qayd etdi Ramzan Qodirov.

Checheniston rahbari shuningdek, O‘zbekiston Prezidenti o‘ziga saralangan va hamfikrli yoshlardan iborat jamoa to‘plaganini ta’kidlagan.

"Uyim eshiklari doim siz uchun ochiq! Albatta, biz Samarqand va Buxorodagi kabi ajoyib va mazali osh tayyorlay olmaymiz, ammo, biz Checheniston taomlari bilan mehmon qilishimiz mumkin. Shuningdek, sizning Chechenistonda qo‘rg‘oningiz bor", - deya ta’kidladi Prezident.

Eslatib o‘tamiz, Checheniston rahbari 16 va 17 oktyabr kunlari O‘zbekistonga rasmiy tashrif bilan kelgan edi.