Saudiya Arabistoni ichki ishlar vaziri Talal ash-Shalxub "Al-Arabiya" telekanalida chiqishi chog‘ida mamlakatda 22 maydan boshlab harakatlanish butunlay cheklanishini ma’lum qildi.

Ushbu cheklov 27 mayga qadar amal qiladi.

Musulmonlar uchun muqaddas hisoblangan Ramazon oyi nihoyasidagi bunday qaror mamlakatda koronavirus tarqalishining oldini olish maqsadida qilingan. An’anaviy tarzda qirollik aholisi Iyd al-Fitr bayrami munosabati bilan 23-27 may kunlari dam olishadi. 

Hozirga qadar Saudiya Arabistonida 67 719 ta koronavirus holati qayd etilgan. 39 003 nafar bemor butunlay sog‘ayib ketdi. 364 ta o‘lim holati tasdiqlandi. Oxirgi bir kun ichida qirollikda koronavirus qayd etilish holati rekord darajada o‘sdi - 2642 ta holat.