Абдулазиз Комилов АҚШ ва Канада яҳудийлари конгресси президенти билан учрашди
25.08.2017 10:23,
4
2017-йилнинг 24-август куни Ўзбекистон Республикаси Ташқи ишлар вазири Абдулазиз Кoмилов АҚШ ва Канаданинг Бухоро яҳудийлари конгресси президенти Борис Кандовни қабул қилди, деб хабар қилди Ўзбекистон Ташқи ишлар маҳкамаси матбуот-хизмати.
Суҳбат чоғида Ўзбекистон билан АҚШ ва Канаданинг Бухоро яҳудийлари конгресси ўртасидаги ҳамкорликнинг долзарб масалалари муҳокама қилинди.
Ушбу ташкилот аъзоларининг асосий қисмини келиб чиқиши ўзбекистонликлар ташкил этади.
Учрашувда мазкур Конгресс Ўзбекистон ва АҚШ ўртасидаги англашинувни мустаҳкамлаш, ўзбек маданиятини хусусан классик мусиқа санаътини хорижда оммалаштиришда муҳим рол ўйнаши қайд этилган.
Шу маънода маданий-гуманитар ҳамкорликни янада кенгайтириш истиқболлари юзасидан фикр алмашилган.