Тошкентда газ баллонлари сақланадиган омборхонада йирик ёнғин юз берди
29.08.2017 19:20,
11
26 август, тахминан соат 12:04 да Миробод тумани ҳудудида жойлашган кислород ва газ баллонларини таъмирлаш устахонасида ёнғин содир бўлди.
Ёнғин оқибатида, “Кислород азот транс сервис” МЧЖга қарашли кислород ва газ баллонларини таъмирлаш устахонасининг ички қисми ҳамда жихозлари, қурилиш элементлари 200 м2 майдонда зарар кўрган.
Ёнғин келиб чиқишига газ баллонини таъмирлаш вақтида ёнғин хавфсизлиги қоидаларига риоя қилинмаганлиги сабаб бўлган.
Дастлабки ёнғин суриштириш ишлари Миробод туман Ёнғин хавфсизлиги бўлими ходимлари томонидан олиб борилмоқда.