БМТ Хон-Шейхунга уюштирилган кимёвий ҳужум учун жавобгарлик кимнинг бўйнида эканлигини маълум қилди

27.10.2017 | Жаҳон | 2572

Суриянинг Идлиб вилоятидаги Хон-Шайхун шаҳрига 2017 йилнинг 4 апрель куни юз берган кимёвий ҳужум Башар Асад режими тарафдорлари томонидан амалга оширилган. Бу ҳақда БМТ ва Кимёвий қуролларни тақиқлаш бўйича ташкилот Қўшма механизмининг Хон-Шайхундаги кимёвий ҳужум бўйича қўшма ҳисоботида айтилади. У БМТ Хавфсизлик Кенгашида тақдим этилди.

Хон-Шейхунга зарин ёрдамида амалга оширилган ҳужум оқибатида 87 киши, жумладан, 31 нафар бола ҳалок бўлгани қайд этилмоқда. Жабрланганлар сони 500 кишидан ошиб кетди.

Олдинроқ МРБ раҳбари Марк Помпео ҳам АҚШ разведка тизимларида Сурия ҳукумат кучлари Хон-Шейхунда кимёвий қурол қўллаганининг етарлича далиллари борлигини билдирганди.

БМТ ва Кимёвий қуролларни тақиқлаш бўйича ташкилотнинг Қўшма механизми 2015 йилда Сурияда кимёвий қуролдан фойдаланиш ҳолатларини аниқлаш мақсадида ташкил этилган.