Тошкентдаги қандолат цехида йирик ёнғин юз берди

03.11.2017 | Ўзбекистон | 2754

1 ноябрь куни соат 19:40 да Тошкент шаҳар Миробод тумани Қўшкўприк кўчаси 22-уйда жойлашган “Қуштили” МЧЖга қарашли қандолат ишлаб чиқариш цехида ёнғин содир бўлган. Бу ҳақда пойтахт ИИББ матбуот хизмати хабар беради.

Соат 19:41 да Тошкент шаҳар гарнизонидан 9 та асосий ва 1 та махсус ёнғин ўчириш жанговар бўлинмалари юборилган. Жанговар бўлинмалар томонидан кўрилган тезкор ҳаракатлар натижасида ёнғин соат 20:56 да тўлиқ бартараф этилган. 

Ҳодиса оқибатида жароҳатланганлар йўқ. Қандолат ишлаб чиқариш цехининг том қисми 350 кв.м майдонида ёниб зарарланган.
 
Ёнғин сабаби ва келтирилган моддий зарар миқдори аниқланмоқда.