2015 йилдан бери водопровод-канализация корхоналари мансабдорларига қарши 47 та жиноят иши очилди

17.11.2017 | Жамият | 2342

Ўзбекистон водопровод-канализация хўжалиги ташкилотлари ходимларининг касбий даражаси паст. Бу ҳақда, Ўзбекистон Президентининг 16 ноябрдаги фармони шарҳида сўз боради.

ЎзАнинг қайд этишича, «малакали кадрларнинг тизимдан кетиб қолгани, сув таъминоти ва сув чиқариш корхоналари ходимлари ўртасида ҳуқуқбузарлик содир этиш ҳолатларининг мавжудлиги хавотир уйғотмай қолмайди».

Хабар беришларича, фақат 2015—2017 йиллар давомида ушбу корхоналар мансабдор шахсларига нисбатан

  • талон-тарож,
  • қарздорликни ҳисобдан чиқарганлик учун моддий манфаатдорлик,
  • ноқонуний равишда сувдан фойдаланганлик ва сув таъминоти тизимларига уланганликни яшириш

ҳолатлари бўйича 47 та жиноят иши қўзғатилган.