Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Тошкентда оддий фуқаролардан "Coca-Cola" талаб қилган милиция ходимига нисбатан жиноий иш қўзғатилди
21.11.2017 21:14,  
6

Ҳуқуқни муҳофаза қилувчи органлари ходимига нисбатан Мустақиллик майдонида айланиб юрган фуқаролардан пора олгани учун жиноят иши қўзғатилди.

UzNews нашрига Юнусобод туман ИИББда берилган хабарга кўра, Мустақиллик майдонида айланиб юрган 1990 ва 1994 йилда туғилган фуқаролар милиция ходими томонидан ҳужжатларни текшириш учун тўхтатилган. Шундан сўнг, уларнинг шахсини тасдиқлаш учун "Туркистон саройи" рўпарасидаги милиция постига боришларини сўраган. Милиция ходими агар унга "Coca-Cola" ва ширинликлар олиб келиб беришса, уларни қўйиб юборишга ваъда берган. Аммо, фуқаролар, уларда фақатгина 10 000 сўм нақд пул борлигини айтиб, пулни ходим дафтари ичига солиб қўйишган. Жабрланувчилар эса бутун мулоқотни мобиль телефонларига ёзиб олишган.

Фуқаролар ашёвий далиллар билан ҳуқуқни муҳофаза қилиш органларига мурожаат қилишган.

Тергов тадбирлари ўтказилганидан сўнг, милиция ходими ўз айбини тан олган ва у ўз лавозимидан озод этилган.

Мазкур ҳолат юзасидан Ўзбекистон Республикаси Жиноят кодексининг 210-моддаси 1-қисми (пора олиш) билан жиноят иши қўзғатилган. Мазкур моддага асосан, жиноятчи ЭКИҲнинг 50 бараваридан 100 бараваригача жарима тўлаши ёки озодликдан маҳрум этилиши мумкин.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан