Европа тикланиш ва тараққиёт банкининг (ЕТТБ) Ўзбекистондаги ваколатхонаси раҳбари Aлкис Дракинос "Coca-Cola"ни хусусийлаштириш жараёни билан боғлиқ воқеалар ҳақида гапириб берди, деб хабар беради Podrobno.uz мухбири.

Эслатиб ўтамиз, 2018 йил ўрталарида Ўзбекистон компаниянинг 57 фоиз улушини савдога қўйган эди. ЕТТБ стратегик инвесторни жалб қилишда, халқаро стандартларга мувофиқ битимни тайёрлашда ва ўтказишда ёрдам бериши керак эди. Бундан ташқари, банк ушбу лойиҳада биргаликда инвестор сифатида иштирок этиш таклифини билдирди. Бироқ, иш шу пайтгача олдинга силжимаган.

Coca-Cola ҳақида гап кетганда, ҳақиқатан ҳам унинг хусусийлаштириш масаласи кўтарилган эди. Бир қатор музокаралар олиб борилди, аммо биз бир қатор ўзгаришларда бу лойиҳа бундан буён устувор эмас деган таассуротга эга бўлдик. Шунга қарамай, агар ушбу лойиҳа яна ҳукумат учун устувор бўлиб қолса, биз яна ушбу ишда иштирок этишга тайёрмиз, деди Aлкис Дракинос Тошкентдаги матбуот анжуманида.

Coca Cola Ichimligi Uzbekiston - Ўзбекистонда алкоголсиз ичимликлар ишлаб чиқарувчи етакчи корхона бўлиб, 1993 йилдан бери мамлакатда ишлаб келмоқда. Бугунги кунда компаниянинг учта заводи бор - Тошкент, Наманган ва Урганчда, уларда қарийб 1,3 минг киши ишлайди.