Кубанинг собиқ етакчиси Фидель Кастронинг тўнғич ўғли фан доктори Фидель Анхель Кастро Диас-Баларт пайшанба куни эрталаб Кубада ўз жонига қасд қилди, деб хабар қилмоқда Prensa Latina давлат ахборот агентлиги.
Хабарда айтилишича, сўнгги бир неча ойлар давомида Кастрога у чуқур тушкунликка тушгани боис шифокорлар назоратида бўлган. Аввалига у госпиталда даволанган, сўнгра амбулатор кузатув режимига ўтказилган.
Олим ўз жонига қасд қилишдан олдин мактуб ёзган.
Олтмиш саккиз яшар Кастро Диас-Баларт ҳодиса юз берган кунга қадар Куба Давлат кенгаши илмий масалалари бўйича маслаҳатчи ва Куба Фанлар академияси вице-президенти бўлган, инновациялар мавзуси билан шуғулланган.
Куба инқилоби етакчиси Фидель Кастро Рус 2016 йил 25 ноябр куни 90 ёшида вафот этган эди.