Фарғоналик ўлдириб кетилган қизалоқнинг қотили қўлга олинди (видео)

17.02.2018 | Жамият | 5928

Фарғоналик Кибриё Ғаффоралиеванинг фожеали ўлимига ойдинлик киритилди. Олтиариқ туманида 5 февраль куни содир бўлган мудҳиш воқеа дарҳақиқат кенг жамоатчилик диққат марказида турибди.Бу ҳақда Uznews ёзмоқда.

Фарғона вилояти Олтиариқ туманининг 6-сонли мактабгача таълим муассасаси тарбияланувчиси Кибриёхон номаълум шахс томонидан олиб кетилган ва кейинроқ унинг жасади топилган эди.

Фарғона вилояти ИИБ ходимлари томонидан олиб борилган тезкор қидирув ишлари ўз самарасини берди ва ушбу жиноятда гумонланган фуқаро қўлга олинди.

Фарғона вилояти Қўштепа тумани Қумтепа қишлоғида яшовчи фуқаро қўлга олинган ва ҳозирда тергов ишлари олиб борилмоқда.