Пентагон раҳбари Жеймс Мэттиснинг маълум қилишича, АҚШ иттифоқчилар ва Шимолий Корея билан Корея ярим оролидан ўз қўшинларини олиб чиқиб кетиш масаласини муҳокама қилишга тайёр.
«Бу иттифоқчиларимиз билан музокаралар давомида биз муҳокама қиладиган масалаларнинг бир қисми бўлади. Бу нарса, биринчи навбатда, Шимолий Корея билан амалга оширилади», - дея айтиб ўтди Мэттис.
Унинг шунингдек таъкидлашича, айни дамда «дастлабки шартларни таклиф қилиш ёки бу қандай юз бериши бўйича турли тахминлар билдириш керак эмас».
Эслатиб ўтамиз, 27 апрель куни Шимолия ва Жанубий Корея етакчилари Корея яриморолини тўлиқ денуклеаризация қилиш тўғрисидаги қўшма битимга имзо чеккан эди