Ботир Раҳматович Парпиев Давлат солиқ қўмитаси раислигидан олиниб, янги вазифага тайинланган. Бу ҳақда Sof.uz манбаси хабар берди.
Бизга маълум қилишларича, у Фуқароларнинг ўзини ўзи бошқариш органлари фаолиятини мувофиқлаштириш бўйича Республика Кенгаши раисининг кексалар ва фахрийлар ишлари бўйича ўринбосари лавозимига тайинланган. Бугун, 11 май куни у янги жамоасига таништирилган.
Эслатиб ўтамиз, Ботир Парпиев 2004 йилдан буён Давлат солиқ қўмитаси раиси лавозимида ишлаб келган.
Маълумот учун: Ботир Парпиев 1946 йилда Андижон вилоятида, милиция генерал-майори Раҳмата Парпиевнинг оиласида туғилган.