Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг “I ва II гуруҳ ногиронлиги бўлган шахсларнинг касалликлар рўйхати ҳақида”ги қарори лойиҳаси жойлаштирилди.

Ҳужжат билан I ва II гуруҳ ногиронлиги бўлган шахсларнинг касалликлар рўйхати тасдиқланиши мумкин.

I ва II гуруҳ ногиронлиги бўлган шахсларнинг касалликлар рўйхати

Қуйидаги касалликка чалинган I ва II гуруҳ ногиронлиги бўлган шахслар:

церебрал фалаж ва бошқа фалажли синдромлар (қўл-оёқларнинг узоқ вақт фалажлиги ёки чуқур парезлари, турғун иккиламчи тарқоқ атетоз типидаги гиперкинезлар, хореоатетоз, координациянинг яққол бузилиши);

ташхиси тасдиқланган насл-генетик ва дегенератив касалликлар (стабил ва зўраювчи турлари);

келиб чиқиши ҳар хил бўлган ақлий заифликнинг чуқур ва оғир тури;

6 ой давом этадиган (сурункали) оғир шизофрения ва бошқа руҳий бузилишлар ва хулқ-атвор бузилишлари;

менингоэнцефалитнинг (энцефалитнинг) 2 йил ва ундан ортиқ доимий равишда даволашга қарамай тикланмаган (чуқур парез, плегия, парапарез, параплегия, трипарез, триплегия, гемиплегия, гемипарез, тетрапарез, тетраплегия, афазия, дизартрия, парциал ва генераллашган эпилептик хуружи, руҳий, ақлий заифликнинг ўрта, чуқур ва оғир ҳолатлари) турғун асоратлари;

кўзни кўрлиги (0 дан 0,02 гача қамраб олинган);

туғма ва орттирилган характердаги бронх-ўпка касалликларида II-III даражали турғун нафас етишмовчилиги. Астманинг гармонга боғлиқ тури;

сил касаллиги сурункали кечиши (ўпка, суяк ва бўғимлар сили, сийдик-таносил органлари сили, сил менингоэнцефалитлари асоратлари билан ва бошқалар). Сил касаллиги сурункали кечиши (ўпка, суяк ва бўғимлар сили, сийдик-таносил органлари сили, сил менингоэнцефалитлари асоратлари билан ва бошқалар);

диабетик нефросклероз;

инкурабел ёмон сифатли ўсмаларнинг оғир шакли;

тузатиб бўлмайдиган доимий нажас ва сийдикни тутаолмаслик, йўғон, тўғри ичак ва орқа чиқарув тешигининг туғма ва орттирилган оқмалари, сийдик таносил аъзолари оқмалари;

суяк-мушак система ва бириктирувчи тўқима касалликларида яққол қайта тикланмайдиган функционал бузилишлари;

қандли диабет (инсулинга боғлиқ қандли диабет);

қандсиз диабет;

лейкозлар, гемобластозлар, Ходжкин касаллиги (лимфогрануломатоз), ҳавфли гистиоцитоз;

қон ишлаб чиқаришнинг туғма ва орттирилган апластик анемиялар;

гемофилия оғир турлари;

ОИВ инфекциясининг III-IV даражаси;

туғма аномалияларнинг оғир турлари:

эркаклар – иш стажи камида 25 йил бўлган тақдирда;

аёллар – иш стажи камида 20 йил бўлган тақдирда.