Британия Олий суди 24 январь куни бош вазир Тереза Мэй мамлакатнинг Европа Иттифоқидан чиқиш жараёнини (Brexit) парламент маъқуллашисиз амалга ошириши мумкинлигига аниқлик киритади. Ушбу масаладаги эшитувларда 11 нафар судья иштирок этади. Бу ҳақда Guardian нашри хабар бермоқда.
Шикоят қондирилса, Британия бош вазири Тереза Мэй ҳукумати Brexit жараёнини 2017 йил март охирида ҳеч қандай тўсиқларсиз бошлаши мумкин.
"Европа Иттифоқидаги қисман аъзолик, ассоциялашган аъзолик ёки муаллақ ҳолатда қолдирадиган бошқа ҳолатлар бизни қониқтирмайди. Биз мустақил, яхлит, ўзини бошқаришга қодир Британия билан Европа Иттифоқидаги дўстларимиз ўртасида янги, тенг ҳуқуқли шерикликка эришишни истаймиз", - деди Буюк Британия бош вазири.