Ўзбекистон Ички ишлар вазири қатор ички ишлар бошқармалари ва бўлимларига янги бошлиқларни тайинлади, дея хабар бермоқда «На посту» газетаси.
Тошкент вилояти Ички ишлар бошқармаси бошлиғи этиб полковник Саидкарим Нишонбоев, Андижон вилояти ИИБ бошлиғи этиб полковник Шуҳрат Собиров, Андижон ИИБ бошлиғи этиб эса полковник Шуҳрат Парпиев тайинланди.
Андижон вилоятининг Шаҳристон тумани Ички ишлар бўлимига Акмалжон Йўлдошев, Марҳамат тумани ИИБга подполковник Маҳамаджон Нишонов ва Избоскан тумани ИИБга Бектемир Баҳромов бошлиқ бўлди.
Фарғона вилояти ИИБ бошлиғининг биринчи ўринбосари ва Жиноят қидирув ва терроризмга қарши кураш бошқармаси бошлиғи лавозимига подполковник Бахтиёр Ражабов тайинланди.
Қатор тайинловлар Жиззах вилоятида ҳам амалга оширилди. Зарбдор тумани ИИБ бошлиғи этиб подполковник Обиджон Шерқулов, Янгиобод тумани ИИБ бошлиғи этиб подполковник Илҳом Сулаймонов, Зафаробод тумани ИИБ бошлиғи этиб эса майор Илҳом Хўжамқулов тайинланди.