Ҳар йили ўтказиладиган “Йил автомобили” танловида бу сафар Peugeot 3008 кроссовери ғолиб бўлди. Женевадаги халқаро моторшоунинг очилишида 319 балл тўплаган кроссовер тақдирланди, деб ёзади Carzone.

Қолган ўринлар қуйидагича тақсимланди: иккинчи ўрин 296 балл олган Alfa Romeo Giulia седанига насиб этди, учинчида E-Class “Мерседес” (197 балл). 166 балл олган Citroen C3 ва 172 баллга лойиқ топилган Volvo S90 русумлари бешликда бор. Улардан қуйида Toyota C-HR кроссовери ҳамда Nissan Micra хэтчбеки мос равишда 165 ва 135 баллар билан ўрин олган.

Ғолибларни Европанинг 22 мамлакатидан келган автомобиль соҳасида фаолият юритувчи 58 нафар журналист танлади.

2016 йилда Европанинг энг зўр машинаси Opel Astra деб топилган, ундан олдин Volkswagen Passat ғолиб бўлган.