Душанба куни Доналд Трамп янги таҳрирдаги иммигратион чеклов тўғрисидаги фармонни имзолади, дея хабар бермоқда Al Jazeera ​телеканали.

Янги ўрнатилган тартибга мувофиқ, аҳолисининг аксарияти мусулмон ҳисобланган 6 та мамлакат – Эрон, Ливия, Сомали, Сурия, Судан ва Яман фуқароларига 90 кун давомида АҚШга кириш тақиқланади. Олдинги таҳрирда тақиқланган мамлакатлар рўйхатида Ироқ ҳам бор эди.

Эндиликда фармон эълон қилинишидан олдин АҚШ визасини қўлга киритган фуқаролар мамлакатга киришига рухсат берилади. Янги фармон 16 март куни кучга киради. АҚШда доимий яшаш рухсатномасига эга бўлган «яшил карта» соҳибларига иммиграцион чекловлар қўлланилмайдиган бўлди.

Янги фармонда, шунингдек, келажакда қайд этилган мамлакатларнинг мусулмон бўлмаган фуқаролари истисно этилиши мумкинлиги ҳақидаги банд олиб ташланди. Ироқ фуқароларига АҚШга кириш тақиқи олиб ташланиши Ироқ ҳукуматининг ИШИДга қарши курашдаги иштироки билан изоҳланган. Ироқ ҳукумати фармоннинг янгича таҳририни олқиш билан кутиб олган ва АҚШ ҳукумати қарорини иккала мамлакат ўртасидаги алоқаларни «ҳақиқий ҳамкорлик» деб атаган.

Янги фармонга изоҳ берар экан, АҚШ давлат котиби Рекс Тиллерсон ҳукумат қарорини «мильлий хавфсизликни кучайтириш учун зарурий чоралар» сифатида баҳолаган. АҚШнинг янги бош прокурори Жефф Сешнс Эрон, Судан ва Сурияни “терроризм ҳомийлари” деб атаган.

27 январь куни қабул қилинган иммигратисон чеклов тўғрисидаги фармон дунё бўйлаб кўплаб танқидлар ва эътирозларга сабаб бўлган эди. Фармон АҚШнинг қатор штатлари маҳаллий судлари томонидан «ноқонуний» деб топилган. Фрамонга қарши чиққан мамлакат бош прокурори эса ишдан олинган.