Германия канцлери Ангела Меркель ташриф билан Оқ уйда бўлиб турибди, бу унинг АҚШнинг янги президенти Дональд Трамп билан биринчи расмий учрашуви, деб ёзмоқда Politico нашри.
Музокаралардан сўнг, икки мамлакат етакчилари Овал хонада фотосуратчиларга киришга рухсат беришди. Журналистлар улардан кўришишни сўрашди, бироқ Америка раҳбари илтимосга эътибор бермади. Меркель ҳамкасбига бироз эгилиб, қайта кўришишни сўради, аммо Трамп бу сафар унинг таклифини жавобсиз қолдирди.
Германиянинг АҚШ билан анъанавий яқин алоқаларига қарамасдан, ҳозирги етакчилар кўплаб масалалар, жумладан, НАТО ва иммиграция борасида ҳамфикр эмас.
Трамп Меркелни Оқ Уйга кираверишда қарши олди ва улар қўл беришиб, камерага кулиб қўйишди.
Қатор ОАВ Трамп Овал хонадаги шовқинда Меркелнинг таклифини эшитмай қолган бўлиши мумкинлигини инкор этишмаяпти. Айримлари у Германия канцлерининг қўлини ушлашни "хоҳламаган"и ҳақида ёзмоқда.