АҚШ президенти Доналд Трампни COVID-19’дан даволаш нархи 100 минг доллардан ошган бўлиши мумкин, деб ҳисоблайди The New York Times газетаси.

Бунга Уолтер Рид миллий ҳарбий тиббиёт марказида уч кун қолиш, вертолётнинг иккита парвози, коронавирус, кислород, стероидлар учун кўплаб синовлар ва антитачали коктейл билан экспериментал даволаш киради. NYT ёзишича, харажатларнинг аксарияти касалхонада қолишга эмас, балки вертолёт парвозлари ва вирусни синаш каби касалхонадан ташқарида кўрсатиладиган хизматларга кетган.

Нашрнинг эслатишича, Трамп томонидан қабул қилинган "Ремдесивир" препарати билан даволаш курси хусусий суғурта компаниялари томонидан тўланганда 3120 доллар ва Medicare ва Medicaid каби давлат дастурлари доирасида тўланганда 2340 доллар туради. Шунингдек, FAIR Health ҳисоб-китобларига кўра 60 ёшдан ошган бемор учун касалхонада ётиш ўртача $61,912 ни ташкил этади. Вертолётда касалхонага ётқизиш тахминан $38,770 ни ташкил қилади (бу йил Health Affairs нашрида ўтказилган тадқиқотга кўра).

Газетанинг аниқлик киритишича, президентни даволаш харажатлари ҳукумат томонидан қопланади. Шу билан бирга, газета таъкидлашича, кўпинча тиббий суғуртаси бўлган америкаликлар ҳам COVDI-19’ни даволаш учун катта харажатларга дуч келишади.

Трамп ва унинг рафиқаси Меланиянинг касаллиги 2 октабрда маълум бўлди. Оқ уй аппарати раҳбари Марк Медоуснинг таъкидлашича, Трампнинг иситмаси бор ва қонида кислород миқдори кескин пасайган.

Президентга Regeneron томонидан ишлаб чиқарилган антитаначали коктейл билан укол қилинган ва кейинчалик касалхонага юборилган. Касалхонада бўлганида, Трамп, эл қатори, “Ремдесивир” ва “Дексаметазон” стероид дори-дармонларини қабул қилди.

Давлат раҳбари 5 октябр куни кечқурун касалхонадан чиқарилди, ундан кейин Оқ уйга борди. Унинг сўзларига кўра, даволанишдан сўнг у ўзини 20 йил олдинги ҳолатидан яхшироқ ҳис қилмоқда.