Исроил полицияси америкалик яҳудийларга таҳдид қилишда гумон қилинган хакерни ҳибсга олди, дея хабар бермоқда Al Jazeera​ нашри.

Асли яҳудий бўлган, исроиллик ўсмир АҚШ ва Канададаги яҳудийлар жамиятлари бинолари ва мактабларига 150 дан ортиқ бомбалар ўрнатилгани ҳақида хабар тарқатганликда айбланмоқда. Маълум бўлишича, исроиллик хакер 9-йнаврадан бери АҚШнинг 37 штати ва Канаданинг иккита округидаги яҳудий компаниялари ва жамоат жойларида бомба портлашидан огоҳлантирган.

Исроил полицияси вакили Мики Розенфелд қўлга олинган шахс бомба ҳақида тарқатилган хабар учун асосий айбдор сифатида кўрилаётганини айтган. Сўнгги икки ой давомида АҚШдаги яҳудий ташкилотларида портлаши айтилган аноним қўнғироқлар яҳудийлар жамиятини саросимага солган.

Федерал қидирув бюроси телефон қўнғироқларини уюштирган шахс қўлга олингани тасдиқлаган, аммо унинг шахсига оид маълумотлар сир сақланмоқда. Исроил полицияси жиноятчининг уйида тинтув ўтказган бўлиб, уйдан турли антенналар ва сунъий йўлдошга уланиш учун ускуналар топилган.

Жиноаятчи қўнғироқлар учун ҳар сафар ҳар хил телефон линияларидан фойдаланган. Бунинг учун манзилни аниқлашга тўсқинлик қилувчи компютер дастурини ишлатган. Исроил ОАВлари жиноятчи 19 ёшда эканлиги ҳамда АҚШ ва Исроил паспортларига эгалигини маълум қилган.