Тошкент вилоятининг Зангиота туманидаги тергов изолятори қурилишининг якунланишига бир неча ой қолди. Бу ҳақда Ўзбекистон ички ишлар вазири Абдусалом Азизовга асосланиб "Podrobno.uz" хабар бермоқда.
"Узоғи билан кузгача", — дея жавоб берган Азизов бу борада берилган саволга.
Хабарда айтилишича, ИИВ раҳбари шу кунларда қурилаётган иншоотга бориб у ерда олиб борилаётган ишлар билан танишган. Вазирнинг айтишича, қурилиш ишларининг якуни босқичи давом этмоқда.
Тергов изолятори 9та бинодан иборат юлдуз шаклидаги мажмуа кўринишида бўлиб, халқаро талабларга мос келиши борасида МДҲда ягона бўлади.