Франциянинг шимолий ғарбидаги Нормандия қасрларидан бирида ХVIII асрда яшаб ижод қилган тасвирий санъат устаси Жан Оноре Фраганор қаламига мансуб қиймати олти миллион еврога баҳоланган иккита тасвирий санъат намунаси топилди.
“Соялар ўйини” ва “Ҳайинчакдаги учиш” асарлари 1786 йилда йўқолган деб ҳисобланганди.
Aсарлар аукцион ташкил қиладиган компания мутахассиси томонидан топиб олинган. Қаср эгалари ўз ертўлаларида мамлакат миллий фахри деб аталган суратлар мавжудлигини хаёлларига ҳам келтирмаган ва бу асар қанча вақт мобайнида у ерда ётганлиги ҳақидаги саволга ҳам жавоб бера олмаган.
Топилган асарларни 30 ой мобайнида маҳаллий санъат ихлосмандлари сотиб олиши учун пул ажратмагунча Франция ҳудудидан олиб чиқиб кетиш тақиқланади.