Пайшанба куни АҚШ Давлат департаменти «Россия куни» Доналд Трамп номидан рус халқига қутлов хати эълон қилди, дея хабар бермоқда Russian Today​ телеканали.

Россия Федерациясида 1992 йилдан бери ҳар йили 12 июнь «Россия куни» сифатида нишонланади. Душанба куни Россиянинг турли шаҳарларида миллионлаб одамлар бу байрамни нишонлаш учун кўчаларга чиққан эди. Шу куни Москва ва бошқа бир қатор шаҳарларда байрам тадбирлари ҳукуматга қарши норозилик намойишларига ҳам айланиб кетган.

Россиялик журналистлар АҚШ ҳукуматининг табрикномасини байрамдан уч кун кейин – 15 июнь куни эълон қилинганига эътибор қаратишди. Кеча АҚШ давлат департаменти сайтида Доналд Трампнинг табрикномаси эълон қилинган. Доналд Трамп ва Америка халқи номидан эълон қилинган табрикнома россия халқи номига битилган

Россиянинг АҚШдаги элчихонаси маълум қилишича, Америка ҳукумати Россияни байрам билан қутлашга тарихда биринчи марта «кеч қолган».

Айни пайтда Ташқи ишлар вазирлиги вакили Мария Захарова Москвадаги АҚШ элчихонасидан вазирликка ҳеч қандай табрикнома келиб тушмаганини маълум қилган. АҚШ Давлат департаменти томонидан ўрнатилган янги тартибга мувофиқ, тегишли мамлакатдаги Америка элчихонаси табрикномани етказиши лозим.