Сергели туманида яшовчи фуқародан қарийб 1 кг марихуана моддаси топилди
9.12.2016 15:46,
6
Тошкент вилояти Қуйичирчиқ тумани ИИБ ходимлари томонидан ўтказилган тезкор тадбир жараёнида Тошкент шаҳар Сергели туманида яшовчи 21 ёшли шахс тўхтатиб текширилганида, унинг ёнидан 934 граммдан зиёд марихуана гиёҳванд моддаси топилди, деб хабар бермоқда Ўзбекистон ИИВ матбуот хизмати.
Хабарда қайд этилишича, марихуана гиёҳванд моддаси далилий ашё сифатида олинган. Мазкур ҳолат юзасидан Ўзбекистон Республикаси Жиноят кодексининг тегишли моддаси билан жиноят иши қўзғатилиб, ҳозирда тергов ҳаракатлари олиб борилмоқда.